Biləsuvarda yol-nəqliyyatı hadisəsi baş verib.
“Regionpress. az” xəbər verir ki, hadisə Biləsuvar-Bəhrəmtəpə avtomobil yolunda baş verib.
Belə ki, Biləsuvar rayonunun Nəsimikənd kəndində, həmin rayonun İsmətli kənd sakini Kənan Cəbrayılov idarə etdiyi “Hyundai” markalı minik avtomobili ilə motosiklet toqquşub.
Qəzada motosikletin sürücüsü-rayonun Nərimankənd kəndinin sakini Quluyev Sərxoş Balaqardaş oğlu (1969) ağır xəsarətlərlə Biləsuvar RMX – na çatdırılıb. Sərnişini, oğlu Quluzadə Rəsul (2007) yüngül bədən xəsarətləri alıb.
Qeyd edək ki, qəzada xəsarət alan olan ata və oğlu təsərrüfat işləri ilə məşğuldurlar. Bazara heyvan satmağa gedirmişlər.
Faktla bağlı Biləsuvar RPŞ – də araşdırma aparılır.
****
Biləsuvarda bu gecə motosikletlə qəzaya düşən Sərxoş Quliyev həkimlərin səyinə baxmayaraq dünyasını dəyişib.
